29 август, якшанба куни Кобулда АҚШ Қуролли Кучларининг ракета зарбаси натижасида тўққиз киши ҳалок бўлди, уларнинг барчаси бир оиланинг аъзолари бўлгани айтилмоқда. Бу ҳақда CNN маълумотларига таяниб, ТАСС хабар бермоқда.
Маълумотларга кўра, қурбонлар орасида олти нафар бола бор, энг кичиги икки ёшда.
Америка кучлари учувчисиз самолёт ёрдамида портловчи моддалар ўрнатилган машинани йўқ қилган, унинг ёрдамида ИШИД экстремистик ташкилотининг гуруҳи бўлган Хуросондаги «Ислом давлати» жангарилари теракт уюштирмоқчи бўлган, дейилади хабарда.
АҚШ Мудофаа вазирлигининг таъкидлашича, улар Кобулда катта миқдордаги портловчи моддалар бўлган, шунингдек Кобулдаги аэропортга кетаётган бир нечта худкушлар бўлган машинани йўқ қилишган.
Маълумотларга кўра, АҚШ кучлари ҳужуми натижасида иккита машина йўқ қилинган ва қисман қўп қаватли уйга зарар етган. Afghanistan Times нашри бундан аввал 7 киши ҳалок бўлгани ҳақида хабар берган эди.
