Президент фармонига кўра, 1 сентябрдан бюджет ташкилотлари ходимларининг иш ҳақи, пенсиялар, стипендиялар ва нафақалар миқдори 1,1 баробарга оширилади. Шунингдек, базавий ҳисоблаш миқдори ойига 270 минг сўм, меҳнатга ҳақ тўлашнинг энг кам миқдори эса ойига 822 минг сўм этиб белгиланди.
Шунингдек, шу кундан бошлаб йўл ҳаракати қоидаларини бузганлик учун жарималар миқдори ҳам ошади.
Блогер ва ҳуқуқшунос Хушнудбек Худойбердиев айрим жарималар миқдори қанчага ошишини ҳисоблаб чиқди. Унга кўра:
- хавфсизлик камарини тақмаслик — 135 минг сўм (айни вақтда 122,5 минг сўм);
- техник кўрик, «аптечка» — 135 минг сўм (айни вақтда 122,5 минг сўм);
- ҳужжатсиз юриш — 270 минг сўм (айни вақтда 245 минг сўм);
- суғуртасиз ҳайдаш — 270 минг сўм (айни вақтда 245 минг сўм);
- «қизил»дан ўтиш — 540 минг сўм (айни вақтда 490 минг сўм);
- нотўғри «парковка» — 540 минг сўм (айни вақтда 490 минг сўм);
- телефонда гаплашиш — 810 минг сўм (айни вақтда 735 минг сўм);
- рақамсиз ҳайдаш — 1 млн 350 минг сўм (айни вақтда 1 млн 325 минг сўм);
- тезликни ошириш (20 километр/соат) — 270 минг сўм (айни вақтда 245 минг сўм);
- тезликни ошириш (20−40 километр/соат) — 1 млн 350 минг сўм (айни вақтда 1 млн 325 минг сўм);
- тезликни ошириш (40 километр/соатдан ортиқ) — 2 млн 430 минг сўм (айни вақтда 2 млн 405 минг сўм);
- қарама-қарши ҳаракатланиш — 2 млн 700 минг сўм (айни вақтда 2 млн 450 минг сўм);
- маст ҳолда ҳайдаш — 6 млн 750 минг сўм ёки 3 йилгача ҳайдовчилик гувоҳномасидан маҳрум қилиш (айни вақтда 6 млн 125 минг сўм);
- мастлик текширувидан бош тортиш — 4 млн 50 минг сўм ёки 3 йилгача ҳайдовчилик гувоҳномасидан маҳрум қилиш (айни вақтда 3 млн 675 минг сўм);
- рухсатсиз «тонировка» — 6 млн иллион 750 минг сўм (айни вақтда 6 млн 125 минг сўм);
- «тонировка»дан бир йилда такроран рухсатсиз фойдаланиш — 10 млн 800 минг сўм (айни вақтда 9 млн 800 минг сўм) этиб белгиланади.
Маълумот учун, жарималар сўнгги марта 2021 йилнинг 1 февралидан базавий ҳисоблаш миқдори 223 минг сўмдан 245 минг сўмга кўтарилган вақтда ошган эди.
