Президент Шавкат Мирзиёев 71 ёшида вафот этган муфтий Усмонхон Алимовнинг хонадонига ташриф буюрди. Унга бош вазир Абдулла Арипов ва бошқалар ҳамроҳлик қилди.
Давлат раҳбарининг матбуот хизмати маълум қилишича, президент марҳумнинг оила аъзоларига ҳамдардлик билдирган, унинг ҳақига дуо қилинди.
«Ҳаммамиз учун катта йўқотиш бўлди. Улуғ инсон эдилар. Билими, меҳнатсеварлиги, камтаринлиги билан элимизда обрў топган эдилар. Бу бало бутун дунёга азоб олиб келди, қанча йўқотишлар бўлаяпти. Қўлимиздан келган ҳамма ҳаракатни қилдик. Лекин Аллоҳнинг иродаси экан. Илоҳим, жойлари жаннатда бўлсин. У кишини яхши ном билан эслаб, ишларини давом эттириб, руҳларини шод қилайлик», — деди Шавкат Мирзиёев.
