Кобулдаги Ҳамид Карзай номидаги халқаро аэропорт «Толибон» жангарилари ҳужуми пайтида қочаётганларга Афғонистонни тарк этишлари мумкин бўлган ягона жой бўлди, деб ёзмоқда Meduza.

15 августда, «Толибон» Кобулни эгаллаб олгач, АҚШ ва бошқа Ғарб давлатлари дипломатлари аэропортга эвакуация қилина бошлади. Аэропортни олти минг америкалик ҳарбийлар ўз ҳимоясига олган. Америкаликларни элчихонадан эвакуация қилган вертолётлар келиши ва аэропортда фуқаролик рейсларининг бекор қилиниши ҳақидаги хабарлар фонида одамлар орасида ваҳима пайдо бўлган. Бир неча юз киши, шу жумладан болали ота-оналар, Афғонистондан сўнгги самолётларга чикишга улгуришга ҳаракат қилиб, учиш-қўниш йўлагига югуриб чиқишган.

The Guardian нашрининг тасдиқланмаган хабарларига кўра, Кобулдан охирги тижорат рейсларидан бир неча одамлар чиқариб юборилган, чунки самолётлар тўлиб кетгани туфайли уча олмаган.16 август куни эрталаб ижтимоий тармоқларда бир неча ўнлаб одамлар самолёт бортига чиқмоқчи бўлгани тасвирланган видео тарқалди. Унда одамлар йўловчилар ўтиш йўлагига тиришиб чиқаётганликларини кўриш мумкин.

Фото: AFP / Scanpix / LETA

Маҳаллий журналист қўлида чамадон билан аэропорт томон югураётган одамларни тасвирга олган. Лавҳада ўқ овозлари эшитилади.

Аэропортни назорат қилаётган АҚШ ҳарбийлари ҳаво самолётларидан бирига чиқиш учун учиш-қўниш йўлагига чиқмоқчи бўлган афғонларни тўхтатиш учун ҳавога огоҳлантирувчи ўқ очган, деб хабар бермоқда Reuters АҚШ вакилига таяниб. "Жуда қўрқинчли. Улар доим ҳавога ўқ узмоқда", — дедигувоҳлардан бири AFPга.

РИА Новости манбасига таяниб, отишма оқибатида бир неча киши ҳалок бўлганини хабар қилди. The Wall Street Journal гувоҳларга таяниб, камида уч киши ҳалок бўлганинимаълум қилди. Al Arabiya бешта ўлим ҳақида хабар бериб, одамлар отишма ёки тиқилинч туфайли ўлганми, аниқ эмаслигини қайд этган. Ижтимоий тармоқларда аэропорт яқинида ётган қонли жасадларнинг суратлари тарқалди. АҚШ ҳарбийлари бу хабарларга изоҳ бермади.

Ижтимоий тармоқларда ҳам бир нечта одам қўли билан учиш-қўниш йўлагида тезликни ошираётган самолёт тагига қўллари билан илинмоқчи бўлганлар акс этган видео тарқалди. Яна бир лавҳада камида бир киши йиқилгани кўрсатилган. Кейинроқ, Кобулнинг турар -жойларидан уч ўликнинг жасади топилган.

16 августда Кобулдан барча тижорат рейслари тўхтатилди. «Илтимос, аэропортга шошилманг», —деди аэропорт маъмурияти. Афғонистон фуқаро авиацияси бошқармаси Кобул ҳаво ҳудуди ҳарбийларга топширилганини маълум қилиб, Афғонистон орқали учаётган авиакомпанияларни ўз йўналишларини ўзгартиришга чақирди.

16 август куни эрталаб Кобул аэропорти яқинида қуролли толибларни кўринган, дейилади Meduza хабарида.