2020 йил Ўзбекистоннинг энг яхши спортчиси номига сазовор бўлган дзюдочи Давлат Бобонов Токио-2020 Олимпия ўйинларининг бронза медалини қўлга киритиб, Ўзбекистон делегациясига иккинчи медални тақдим қилди. Бу ҳақида МОҚ ахборот хизмати хабар берди.
-90 кг вазн тоифасида курашган спортчи ушбу босқичда туркиялик Михаэл Зганкка қарши татамига чиқди. Давлат Бобонов ижросидаги усул вазари/иппон билан баҳоланди.
Шу тариқа, Ўзбекистон делегацияси Токио-2020 Олимпия ўйинларидаги иккинчи, дзюдо беллашувларидаги дастлабки медалига сазовор бўлди.
Маълумот учун, Давлат Бобонов бунга қадар илк даврада италиялик Николас Мунгайга қарши баҳсда ғалабага эришган эди. Иккинчи даврада Бобонов украиналик Кежау Нхабалига қарши татамига кўтарилди ва муддатидан аввал ғалаба қозонди. Ўтиш босқичида эса Давлат Бобонов испаниялик Николоз Шеразадишвилини мағлубиятга учратди.
Фото
Фото: gettyimages
Видео
