Республика олий таълим кенгаши раиси 69 ёшида Ўктам Умурзаков вафот этди. Бу ҳақда Олий таълим вазирлиги «Газета.uz»га маълум қилди.
У 1952 йилнинг 20 август куни туғилган. 1974 йилдан 1977 йилгача Тошкент ирригация ва қишлоқ хўжалигини механизациялаш инженерлари институтининг «Машиналар пухталиги ва ремонти» кафедрасининг кичик илмий ходими лавозимида иш бошлаган. Шундан кейин у институтда кичик илмий ходим, турли факультетлар декани, проректор ва ректор лавозимларида фаолият олиб борган.
Ўктам Умурзаков 2013 йилдан ҳозирга қадар Тошкент ирригация ва мелиорация институтининг «Сув хўжалиги иқтисоди» кафедраси профессори, 2017 йил 26 майдан ҳозирга қадар Тошкент ирригация ва қишлоқ хўжалигини механизациялаш муҳандислари институтининг ректори лавозимида ишлаб келаётган эди.
Маълумот учун, Бош вазир ўринбосари — инвестициялар ва ташқи савдо вазири Сардор Умурзаков марҳумнинг ўғли.
