Сузиш федерацияси раҳбари вақтинча ишдан четлатилди
Ўзбекистон сузиш федерацияси бош котиби Алишер Ғаниев вақтинча ишдан четлатилди. Аввалроқ, ўзбекистонлик сузувчилар ғирром йўл билан Олимпиадага чиқишга урунишгани ҳақида маълумотлар пайдо бўлган эди. МОҚ ва Спорт фахрийлари кенгаши ушбу ҳолат «спорт тамойилларига мос келмаслигини ва олимпизм қадриятларига мутлақо зид эканлигини» таъкидлади.
Мурод Хонтўраев автоҳалокатга учраб, вафот этди
Ўзбекистонлик ММА жангчиси, Ўзбекистон ММА ассоциацияси вице-президенти Мурод Хонтўраев автоҳалокатга учраб, вафот этди.
Ўзбекистон сузиш бўйича натижалар сохталаштирилгани сабабли жанжал марказига тушиб қолди
Халқаро сузиш федерацияси Олимпиада йўлланмасини олиш учун натижаларни сохталаштирган бир қанча ўзбекистонлик сузувчиларнинг кўрсаткичларини бекор қилди. Бу ҳинд спортчиси томонидан олиб борилган ўрганишлар натижасида юзага чиқди. Сохталаштиришга уриниш сабабли Ўзбекистонга қўшимча санкциялар жорий этилиши мумкин. МОҚ баёнот билан чиқди.
Токио-2020. Ўзбекистон делегациясининг байроқдорлари ўзгарди
Ёзги Олимпия ўйинларининг очилиш маросимида боксчи Баҳодир Жалолов ва таэквондочи Нигора Турсунқулова Ўзбекистон делегациясининг байроқдорлари бўлишади. Аввалроқ, мамлакат байроқдорлари сифатида гимнастикачи Оксана Чусовитина ва боксчи Бобо-Усмон Батуров эълон қилинган эди.
МОҚ Ўзбекистон байроқдорлари ўзгарганига изоҳ берди
Ўзбекистон Миллий олимпия қўмитаси Олимпиада очилиш маросимида байроқдорлар спортчиларни ортиқча толиқтирмаслик учун алмаштирилганини маълум қилди.
Ўзбекистонлик 2 нафар теннисчи келишилган ўйинлар сабабли дисквалификация қилинди
Ўзбекистонлик икки теннисчи 2019 йилда бўлиб ўтган турнирдаги келишилган ўйинлар сабабли спортдан четлатилди. Темур Исмоилов бир умрга дисквалификация килиниб, 14 минг доллар жаримага тортилди. Амал Султонбеков эса беш йилга четлатилиб, унга 8000 доллар миқдоридаги жарима белгиланди.
Ўзбекистонлик курашчилар Жаҳон чемпионатида 5 та медални қўлга киритишди
Венгриянинг Будапешт шаҳрида бўлиб ўтаётган спорт курашлари бўйича ўсмирлар ўртасидаги Жаҳон чемпионатида ўзбекистонлик курашcилар 5 та медални қўлга киритишди.
Токио-2020. Оксана Чусовитина спортдаги фаолиятини якунлади
Ўзбекистонлик спорт гимнастикачиси Оксана Чусовитина олимпиада ўйинларида саралаш баҳсларида 11-ўринни эгаллади ва финал йўлланмасини қўлга кирита олмади. Мазкур олимпиада Чусовитина учун саккизинчи олимпиада бўлди. Аввалроқ, у олимпиададан кейин фаолиятини якунлашини маълум қилган эди.
Токио-2020. Ўзбекистонлик таэквондочи Улуғбек Рашитов финалда ғалаба қозониб, олимпиада чемпиони бўлди
Токиодаги Олимпия ўйинларида таэквондо йўналиши бўйича иштирок этаётган ўзбекистонлик Улуғбек Рашитов финал баҳсида британиялик рақиби Бредли Синден устидан ғалаба қозониб, олимпиада чемпиони бўлди.
«Газета.uz»да чиққан мақолалар:
Олимпиада чўққисини забт этган Ўзбекистон спортчилари
Олимпиада ўйинларида Ўзбекистон номидан қатнашган спортчилар ҳозиргача жами 32 медалларни қўлга киритган. «Газета.uz» Токиода старт берилган Ёзги Олимпиада ўйинлари арафасида бугунга қадар Ўзбекистонга ғолиблик шарафини олиб келган барча Олимпиада чемпионларини эслайди.
