Япониянинг Токио шаҳрида ўтказилаётган Олимпия ўйинларида таэквондо йўналиши бўйича иштирок этаётган ўзбекистонлик Улуғбек Рашитовнинг финал баҳси якунланди.
Финалда Рашитов рақиби британиялик Бредли Синден билан куч синашди ва 34:29 ҳисобида ғалаба қозонди. Ўзбекистон делегациясига Токиодаги илк медални ҳам айнан таэквондочи Улуғбек Рашитов келтирди. Шундай қилиб, ўзбекистонлик таэвондочи тарихда илк бор Олимпия ўйинларида олтин медалга эга чиқди.
Олимпия ўйинларида Улуғбек Рашитов Сейду Фофана (Мали), Ли Даэ Хун (Ж.Корея), Мирхашем Ҳуссайни (Эрон), Недзад Хусич (Босния ва Герцеговина) ва Брэдли Синден (Буюк Британия) каби таэквондочиларни мағлуб этди ва чемпион бўлди!
Фото
Фото: gettyimages
Видео
