20 июнь куни Тошкентнинг Чилонзор туманида аёл киши кўп қаватли уйнинг 9-қаватидан тушиб кетиб, воқеа жойида ҳалок бўлгани ҳақида хабарлар тарқалган эди. Бош прокуратура матбуот хизматининг Daryo`га маълум қилишича, аёл эҳтиётсизлик оқибатида тушиб кетган.

Қизнинг қайнонаси марҳума 9-қаватдан тасодифан тушиб кетганини маълум қилган. Унинг онаси Нодира Холиқова эса Human.uz`га марҳуманинг оилавий ҳаёти ҳақида гапириб берди. У қизи Эъзоза Озодова (2001 йилда туғилган) ўз жонига қасд қилмаганини таъкидлади.

Онанинг сўзларига кўра, 2019 йил июль ойида марҳумани асли шаҳрисабзлик бўлган, Тошкент шаҳрида истиқомат қилувчи оилага турмушга беришган. Таъкидланишича, «оилавий ҳаётнинг биринчи кунлариданоқ эр ўзининг одобсиз одатлари, шу жумладан гиёҳванд моддаларни истеъмол қилишини билиб олган қизини уришни бошлаган». Келин бу ҳақда қайнонасига хабар берган, қайнона куёвнинг отасига айтишни ваъда қилган. «Куёвнинг ўзи турмуш ўртоғи билан турмуши, одатлари тўғрисида очиқчасига гапирган», — дейди Нодира Холиқова.

Нодира Холиқова.

Унинг қўшимча қилишича, қизи 11 ойгача ҳомиладор бўлолмаган.

«Ўтган йилнинг март ойи бошида карантин пайтида унинг қайнонаси Туркияга учиб кетган, аммо бундан олдин у ўғлининг хонасида максимал овоз ёзиш вақти 25 соат бўлган диктофон қўйиб кетган», — деди марҳумнинг онаси.

Нодира Холиқова, шунингдек, қизининг қайнонаси доимий равишда «унга босим ўтказган, унга тинчлик бермаган, янги турмуш қурганларнинг ётоқхонасига тақиллатмасдан кириб келган, келинининг одоб-ахлоқи ва жоҳиллиги» ҳақида гапириб келган. Унинг сўзларига кўра, Эъзоза Озодова пиширишни яхши билар эди, аммо «қайнонаси унга ўргатмаган ва янги оиласининг ҳаётини тушунтирмаган 50 ёшли аёлга нисбатан тажрибасиз эди».

«Мен айтдим, майли, у ерда яшама дедим, у эса „йўқ, онажон, мен ўз ўрнимни бошқасига бериб юборадиган қиз эмасман“, деб жавоб берди. У мард қиз эди», — деди марҳуманинг онаси.

Унинг таъкидлашича, бир мунча вақт ўтгач, қизи ҳомиладор бўлган, беш ойдан сўнг эса у кўричак билан оғриб, операция қилинган, аммо ўшанда ҳам она боролмаган.

«Жанжаллар тўхтамади. Улар уни „таракансан“ деган. Қизимга ота-онанг ҳам керак эмас», — деб айтишган. Қиз шу йилнинг май ойида қўшнисининг телефони орқали унга қўнғироқ қилиб, шикоят қилган, аммо «шунда ҳам у ўз жонига қасд қилишни хоҳлайман, деб айтмаган».

«У ўзини ўлдирмаган, уни яхши калтаклаганлар, қизим ҳушини йўқотган. Улар бу ҳақда айтиб беришидан қўрқишган, шунинг учун улар қизимни ташлаб юборганлар. Уларнинг айтишича, дераза ойнаси синиб, у йиқилиб тушган. Қизим тўққизинчи қаватдан йиқилиб ўлмаган. Тўққизинчи қаватдан йиқилган одам титилиб кетиши керак. Мен ҳаммадан сўрадим. У ўнг томони билан йиқилиб тушган, гўё кимдир шу томонга урилгандек, боши ҳам синмаган. Кўзлар, қулоқлар, бурун аввалги каби гўзал бўлиб қолган. Қизимнинг қўли синган, фақат ўнг томони синган», — деди она кўз ёшлари билан.

«Тарқалган гапларга кўра, қизим болага овқат тайёрлаш учун кирган экан. 10−15 дақиқадан кейин қайнонаси ундан хавотир олиб кирганмиш. Нима учун хавотирланади? Кирганида қизим деразада турган экан. Бу қайнонасининг айтиши бўйича гаплар», — дея қўшимча қилади марҳуманинг онаси.

Таъкидланишича, бошқа жойларда айтилган гапларда «пардани сураётган вақтда беҳосдан тушиб кетган экан». «Нима учун суради пардани ярим кечаси? Бу ишонарли гапми?» — дея қўшимча қилади у.

Нодира Холиқова қайнона ва куёв жазога тортилишини хоҳлаётганини билдирди.

Бош прокуратура матбуот хизмати раҳбари Ҳаёт Шамсутдиновнинг маълум қилишича, айни пайтда мазкур ҳолат юзасидан суриштирув ҳаракатлари олиб борилмоқда. Суриштирув давомида видеоёзувда кўрсатилган важлар ҳам ўрганиб чиқилиши таъминланади.