Пойтахт ҳокими Жаҳонгир Ортиқхўжаев ZF-UZ-VAC2001 вакцинасининг иккинчи компонентини қабул қилганини маълум қилинди.
«Ҳамшаҳарлар бугун (17 июль куни — таҳр) ўзбек-хитой вакцинасининг 2-босқичини қабул қилиб олдим. Ўйлайманки, бу коронавируснинг олдини олишга жуда катта ёрдам беради. Халқ, шифохонада ётган одамлар билан гаплашаяпмиз, вакцина олганлар ковид бўлиб қолган тақдирда ҳам аҳволлари анча енгил кечаяпти», — деди ҳоким.
Кейинроқ пойтахт ҳокимлиги тақдим этган видео ижтимоий тармоқларда турли муҳокамаларга сабаб бўлди.
«Газета.uz» сўровига биноан Тошкент шаҳар ҳокимлиги ахборот хизмати Жаҳонгир Ортиқхўжаевнинг хитой-ўзбек вакцинаси билан эмланиш жараёни акс этган видеолавҳани тақдим этди. Лавҳада ҳокимнинг эмланиши ҳақидаги эълон қилинган видеодан сўнг ижтимоий тармоқларда муҳокама бўлган саволларга жавоб берилган.
