Tenge Bank юридик ва жисмоний шахсларнинг «Мижоз йулини» такомиллаштиришга қаратилган узоқ муддатли стратегияни йўлга қўймоқда. Шу мунособат билан, 13 июль куни Tenge Bank Ўзбекистон TUNE Consulting IT-компанияси билан юридик ва жисмоний шахсларга масофали хизмат кўрсатиш бўйича омниканал платформасини ишлаб чиқиш ва жорий қилиш бўйича шартнома имзолади.
Tenge Bank ушбу платформа ўзининг ва ҳамкорларининг иловалари орқали мижозларни жалб қилишни (customer onboarding) ва уларга хизмат кўрсатишни осонлаштириш имкониятини яратишига ишонади. Бу эса, ўз навбатида, банкнинг Ўзбекистон бозори учун махсус маҳсулотларини мавжуд ва потенциал мижозлар учун янада қулайроқ қилиш имкониятини яратади.
Лойиҳанинг мақсади — аҳолининг турли қатламларидан бўлган мижозларнинг (талабалардан нафақахўрларгача) ва турли ҳажмдаги компанияларнинг (кичик бизнесдан тортиб йирикларигача) эҳтиёжлари ва истакларини тўлиқ қондириш орқали мижозларга хизмат кўрсатиш сифатини ошириш ва савдо каналларини кенгайтиришдан иборат.
«Банк ушбу лойиҳани ишга туширишга узоқ вақт давомида тайёргарлик кўриб келди. Хусусан, биз чакана савдо ва корпоратив сектор бўйича кучли мутахассисларни жалб қилдик. Банкнинг технологик ҳамкори сифатида TUNE Consulting компаниясини танлашимизнинг асосий сабаби компаниянинг бугунги кунгача бўлган юқори даражадаги тажрибасидир», — дейди Tenge Bank`нинг бошқарув раиси Талгат Аюпов.
«TUNE Consulting учун Марказий Осиё ҳудудидаги йирик молиявий гуруҳ таркибига кирувчи Tenge Bank билан ҳамкорлик қилиш катта шарафдир. Tenge Bank бизни технологик ҳамкор сифатида танлаган Ўзбекистондаги учинчи хорижий банк бўлди», — дейди TUNE Consulting вакили Фарҳод Обидхонов.
«Tenge Bank» АТБ замонавий банк технологияларидан фойдаланган ҳолда корпоратив ва чакана мижозларнинг барча тоифаларига молиявий хизмат кўрсатувчи универсал банк ҳисобланади. Банк «Қозоғистон халқ банки» (Halyk Bank) АЖнинг шўба банки ҳисобланади.
TUNE Consulting компанияси банкирлар тор доирасида консалтинг «бутиги» сифатида танилган.
Компания ўз фаолиятини 2009 йилда бошлаган. 15 ёки ундан ортиқ алоҳида тизимларни ўз ичига жамлаган мураккаб банк IТ лойиҳаларини олиб боради. Охирги тўрт йил мобайнида TUNE Consulting рақамли технологияларга ўтди ва бир қатор банкларга мижозларга масофали хизмат кўрсатиш соҳасида етакчилардан бўлишларига яқиндан ёрдам кўрсатиб келмокда.
Tenge Bank`нинг бош офис манзили: Яшнобод тумани, Паркент кўчаси, 66.
Телефон: 1245.
Сайт: tengebank.uz
E-mail: info@tengebank.uz.
Реклама ҳуқуқлари асосида.
