World Gold Council (WGC) маълумотларига кўра, Ўзбекистон Марказий банки олтин захиралари бўйича дунёда 17-ўринни эгаллади, дея хабар бермоқда Spot.
Ярим йиллик танаффусдан сўнг, жаҳон марказий банклари олтинга инвестицияларни фаол равишда оширишни бошлади — биринчи чоракда 95,5 тонна олтин сотиб олинган, бу эса 2020 йилнинг иккинчи ярмига нисбатан 25 фоизга кўп эканлигини кўрсатмоқда.
АҚШ 8,1 минг тонна захиралари билан яна биринчи ўринни эгалламоқда, бу мамлакат олтин-валюта захирасининг 79,2 фоизини ташкил этади. Иккинчи ўринда Германия (3,3 минг тонна, 76,2%), Италия учинчи (2,4 минг тонна, 70,8%). Ўзбекистон 352,7 тонна олтин захираси билан 17-ўринни эгаллаб турибди, бу мамлакат олтин-валюта захирасининг 60,5 фоизи ҳисобланади.
Умуман олганда, Марказий банклари олтинга инвестицияларни кўпайтиришда энг фаол бўлган бешта мамлакат мавжуд. Улардан бири 32 тонна атрофида олтин сотиб олган Ўзбекистон Марказий банки бўлди.
Филиппин ва Туркиянинг Марказий банклари тенденцияга қарши ҳаракат қилиб, йил бошидан бери мос равишда 24,7 ва 18,1 тонна металл сотдилар. Натижада, ушбу мамлакатлар захирасидаги олтин ҳажми мос равишда 164,1 тонна ва 526 тоннани ташкил этди.
