11 июндан 11 июлга қадар бўлиб ўтган Европа чемпионатининг финал учрашуви якунига етди. Финалда Италия ҳамда Англия терма жамоалари ўзаро куч синашишди.
Ўйиннинг 2-дақиқасида англиялик ҳимоячи Люк Шоу гол уриб, ҳисобини очди. Шоу голни учрашувнинг 1 дақиқа 57 сониясида тўп киритди. Шу тариқа, футболчи Европа чемпионати финалларида киритилган энг тезкор гол муаллифига айланди.
Учрашувнинг 67-дақиқасида Леонардо Бонуччи гол урди ва ҳисобни тенглаштирди. Бонуччи ушбу гол билан Европа чемпионати финалларида гол урган энг кекса футболчига айланди. У Англияга гол киритганида 34 ёш 71 кунлик эди. Бундан аввалги рекорд германиялик Бернд Хельценбайнга (30 ёш 103 кунлик) тегишли эди.
Ўйиннинг асосий вақти 1:1 ҳисоби билан якунига етди. Қўшимча вақтлар ҳам ҳисоб ўзгармади. Пенальтилар сериясида 3:2 ҳисобида Италия терма жамоаси устун келди. Англия терма жамоасида якуний зарбани берган Букайо Сака гол ура олмади.
Шу тариқа Италия терма жамоаси Европа чемпионатида ғолиб бўлди. Улар иккинчи бор бу натижани қайд этишди. Бундан аввал 1968 йилги турнир финалида Югославия устидан ғалабага эришиб, чемпион бўлган эди. Шунингдек, Италия 2000 ва 2012 йилги Европа чемпионатлари финалларида мағлуб бўлишган.
Статистика
Фото
Фото: gettyimages.com
Видео
