Бир қатор давлат органлари раҳбариятида ўзгаришлар юз берди, деб хабар бермоқда президент Администрациясига яқин бўлган «Нигоҳ» Telegram-канали.
Баходир Юсупалиев Санитария-эпидемиологик осойишталик ва жамоат саломатлиги хизмати бошлиғи лавозимига тайинланди ва шу муносабат билан соғлиқни сақлаш вазирининг ўринбосари — Санитария-эпидемиологик осойишталик ва жамоат саломатлиги хизмати бошлиғи лавозимидан озод этилди.
Фазлиддин Умаров ДСҚ ҳузуридаги Кадастр агентлиги директори лавозимига тайинланди ва шу муносабат билан ДСҚ раисининг биринчи ўринбосари — ДСҚ ҳузуридаги Кадастр агентлиги директори лавозимидан озод этилди.
Бахтиёр Атамурадов «Ўзбекчорванасл» агентлиги директори лавозимига тайинланди ва шу муносабат билан Ветеринария ва чорвачиликни ривожлантириш давлат қўмитаси раисининг ўринбосари — «Ўзбекчорванасл» агентлиги директори лавозимидан озод этилди.
Акмал Мирзаев транспорт вазирининг ўрибосари лавозимидан озод этилди.
Камола Акилова маданият вазирининг ўринбосари — Маданий мерос департаменти бошлиғи лавозимидан, Козим Туляганов қурилиш вазирининг ўринбосари — Қурилиш соҳасида назорат инспекцияси бошлиғи лавозимидан озод этилди.
Ўз лавозимларидан шунингдек:
Шамсиддин Алимов Давлат геология ва минерал ресурслар қўмитаси раисининг ўринбосари лавозимига тайинланди ва шу муносабат билан Давлат геология ва минерал ресурслар қўмитаси раисининг биринчи ўринбосари лавозимидан;
Нуритдин Муратов ва Нодир Мухитдинов Давлат геология ва минерал ресурслар қўмитаси раисининг ўринбосарлари лавозимидан;
Дилшод Холмуродов Давлат статистика қўмитаси раисининг биринчи ўринбосари лавозимидан;
Махмуджон Зиядуллаев Давлат статистика қўмитаси раисининг ўринбосари лавозимидан;
Олим Хакимов Ўрмон ҳўжалиги давлат қўмитаси раисининг биринчи ўринбосари лавозимидан;
Абдушукур Хамзаев Ўрмон ҳўжалиги давлат қўмитаси раисининг ўринбосари — Ўрмон хўжалиги илмий изланиш институти директори лавозимидан озод этилди.
