Владимир Путин коронавирусга қарши «Спутник V» вакцинаси билан эмланганини маълум қилди, дея хабар бермоқда «РИА Новости».
Маълум бўлишича, Россия президенти «Спутник V» вакцинасини қабул қилган. Путин вакцинанинг иккинчи дозаси билан эмланганида кечқурун иситмаси 37,2 даражага кўтарилиб, кундузи 36,6 даражани ташкил қилганини айтган.
Эслатиб ўтамиз, 24 март куни Владимир Путин коронавирусга қарши эмланди ва ўзини яхши ҳис қилаётгани ҳақида хабар берилган эди.
Путининг матбуот котиби Песков «Россиянинг учта вакцинаси мутлақо ишончли ва самарали» эканлигини таъкидлаган ҳолда, Кремль атайлаб президентнинг қайси вакцина билан эмлангани кўрсатилмаётганлиги ҳақида айтиб ўтган эди.
Аввалроқ, Қозоғистоннинг биринчи президенти Нурсултон Назарбоев ҳам коронавирусга қарши «Спутник V» вакцинаси билан эмлангани ҳақида хабар берилган.
