Ўзбекистон январь-май ойларида 150,9 млн долларлик енгил автомобилларни импорт қилди, дея хабар бермоқда Давлат статистика қўмитаси.
Қайд этилишича, Ўзбекистон ўтган 5 ойда 7,7 мингта енгил автомобиллар импорт қилган.
Ўзбекистон енгил автомобилларни энг кўп импорт қилган давлатлар:
- Корея — 42,7 млн;
- Хитой — 41,1 млн;
- Россия — 30,5 млн;
- Қозоғистон — 8,8 млн;
- АҚШ — 6,7 млн;
- Таиланд — 6,6 млн;
- Польша — 4,6 млн;
- Германия — 3,9 млн;
- Литва — 2,5 млн;
- Япония — 2,0 млн.
Шунингдек, 2021 йилнинг январь -май ойларида хорижий давлатларга қиймати 134,9 млн. АҚШ долларига тенг енгил автомобиллар экспорт қилинган.
Енгил автомобиль экспорти ўтган йилнинг мос даврига нисбатан 84,6 млн. АҚШ долларига ошган.
Ўзбекистон енгил автомобиль экспорт қилган асосий давлатлар:
- Қозоғистон — 127,1 млн;
- Афғонистон — 2,7 млн;
- Украина — 2,3 млн;
- Қирғиз Р. — 1,0 млн;
- Россия — 955,9 минг;
- Озарбайжон — 444,7 минг;
- Тожикистон — 339,1 минг АҚШ доллари.
2021 йилнинг май ойида хорижий давлатларга қиймати 22,5 млн. АҚШ долларига тенг енгил автомобиллар экспорт қилинган.
Аввалроқ, 2021 йилнинг биринчи беш ойида Ўзбекистонга хориждан 205 та электромобиль импорт қилингани ҳақида хабар берилган эди.
