22 июнда «Агробанк» АТБ бош офисида банкнинг, Visa ҳамда Humo карта тизимлари вакилларининг учрашуви бўлиб ўтди. Тадбирда кобейджинг картасининг қулайлиги ва имкониятлари, тўлов тизими бўйича амалга оширилган ишлар ҳамда келажак вазифалар муҳокама қилинди.
Visa картаси тизимининг Марказий Осиёдаги вакили Кристина Дорошнинг таъкидлашича, ушбу кобейджинг карта тизими нафақат Ўзбекистонда, балки МДҲ давлатлари ўртасида илк бор амалиётга жорий этилмоқда.
«Агробанк»нинг банк карталарига хизмат кўрсатиш департаменти директори Зафар Мамажоновнинг фикрига кўра, картанинг аҳоли учун қулайлиги яна шундан иборатки, у терминал ва банкомат танламайди. Картани «Агробанк» томонидан ўрнатилган барча терминал ва банкоматларда ишлатиш мумкин. Интернет орқали буюртма бериш ва маҳсулотлар сотиб олиш учун кобейджинг картаси қулай бўлади. У аҳолининг конвертацияга сарфлайдиган вақтини ҳамда маблағини тежайди.
Кобейджинг карта орқали бир вақтнинг ўзида иккита тўлов тизимининг афзалликларидан фойдаланиш имконияти мавжуд бўлиб, Ўзбекистон ҳудуди ҳамда Visa картаси қабул қилинадиган дунёнинг 200 мамлакатларида товар ва хизматлар учун хорижий валютадаги тўловларни автоматик конвертация орқали амалга ошириш мумкин.
Учрашув доирасида иштирокчилар мазкур карта мижозларини рағбатлантириш мақсадида совғалар акциясини ташкил этишни режа қилдилар.
Реклама ҳуқуқлари асосида.
