11 июнь куни Тошкент шаҳрида профессионал бокс оқшоми бўлиб ўтди. Кечанинг марказий жангида ўзбекистонлик профессионал боксчи Шоҳжаҳон Эргашев танзаниялик Салиму Женгога қарши жанг қилди.

12 раундга мўлжалланган баҳс биринчи раунддаёқ якунига етди. Шоҳжаҳон Эргашев илк раунддаёқ зарбалар сериясини намойиш этди ва рақибини мувозанатдан чиқарди. Рефери эса шу захоти жанг якунланганлигини эълон қилди. Шу тариқа, Эргашев Тошкентдаги жангини техник нокаут билан якунлади.

Қайд этиш лозимки, рефери жангни якунлаган пайтда бутун арена, боксчилар баҳс давом эттирилишини талаб қилишди. Аммо, қарор ўзгармади ва Шоҳжаҳоннинг ғалабаси эълон қилинди.

Мазкур жангдан сўнг Шоҳжаҳон Эргашев ўзининнг Instagram саҳифасида ҳакамлардан норозилигини билдирди.

Видео