«Газета.uz» аввалроқ 2021 йил мартидан тадбиркорларга йўлларда фото ва видео регистраторлар ўрнатишга рухсат берилиши ҳақида хабар берган эди. Яъни регистраторлар ўрнатиладиган жойларни тадбиркорларга бириктириш электрон аукцион савдолари орқали амалга оширилиши белгилаб қўйилган эди.
Электрон аукцион савдоларида ғолиб бўлган тадбиркорларга бундай жойлар чекланмаган муддатга ва бошқа тадбиркорга ўтказиш ҳуқуқи билан бириктирилади.
E-auksion матбуот хизматининг хабар беришича, яқинда бундай лотларнинг биринчиси аукционга қўйилди. Ушбу ер Хоразм вилояти Боғот туманида жойлашган бўлиб, у ерда 4 та видеокамера ва 2 та стационар радар ўрнатилиши белгиланган.
Фото: E-auksion
Яқинда бошқа бошқа ҳудудлардан ҳам бундай ҳуқуқларнинг савдога чиқарилиши кўзда тутилган. 2021−2022 йилларда тадбиркорларни жалб қилиш орқали мамлакатда 3356 та видеокамера ва 763 та радар ўрнатилиши режалаштирилган.
