Қорақалпоғистон Республикасининг Мўйноқ туманида икки ўсмир каналда чўкиб кетиб, ҳалок бўлди. Бу ҳақда «Газета.uz» га Фавқулодда вазиятлар вазирлиги маълум қилди.
Маълум қилинишича, ҳодиса 2 июнь соат 14:10 ларда содир бўлган. Мадели ОФЙ Шеге овулида яшовчи, К.Н. нинг (1945 й.т.) уйига меҳмонга келган набиралари, Мўйноқ тумани Уббиниязов кўчасида яшаган, 3-сонли ўрта мактабнинг 6-синф ўқувчиси, Р.Ж. (2009 й.т.) ва бирга яшаган укаси, юқоридаги ўрта мактабнинг 5-синф ўқувчиси, Д.Ж лар (2010 й.т.) Мадели ОФЙ ҳудудидан оқиб ўтувчи «Қипшақдарё» каналида чўмилаётиб, сувга чўкиб кетганлар.
Жасадлар сувдан олиниб, суд-тиббий экспертизасига юборилган. Суриштирувни прокуратура олиб бормоқда.
