Curiosity марсоходи нисбатан кам учрайдиган ҳодиса — Марсдаги булутларни суратга олди. NASA олимларининг таъкидлашича, сайёранинг юпқа атмосфераси туфайли булутлар одатда маҳаллий йилнинг энг совуқ даврида фақат экваторда шаклланиб, муз кристалларидан иборат бўлади.

Бир марслик йил олдин (Ер меъёрлари бўйича икки йил) олимлар баъзи булутлар бошқаларига қараганда эрта шакллана бошланишига эътибор беришди. Шунинг учун, бу сафар уларни ўрганиш учун олдиндан тайёргарлик кўрилди.

NASA

Муз кристаллари билан тўлдирилган ингичка тўплар ботаётган қуёш нурларини сочиб юборади, дея NASA булутларни тасвирламоқда.

Curiosity булутларнинг оқ-қора ва рангли тасвирларини суратга олди. Расмлар ёрдамида олимлар Марсда булут пайдо бўлиш жараёнини яхшироқ тушуна оладилар.


NASA


NASA тахминига кўра, «эрта» булутлар оддий Марс булутларига қараганда катта баландликда юзага келади. Улар ер юзидан тахминан 60 км баландликда сузиб, сув музидан иборат бўлади. Тадқиқотчиларнинг сўзларига кўра, Curiosity томонидан қайд этилган янада баланроқ учувчи булутлар музлаган карбонат ангидрид ёки қуруқ муздан ташкил топган.

NASA

Колорадо космик институт тадқиқотчиси Марк Леммон ушбу булутларнинг рангларига, уларнинг қизил, яшил, кўк ва бинафша тусларига қойил қолишини таъкидлади. «Марсда жуда кўп рангларга эга бўлган нарсани кўриш ҳақиқатдан ҳам ажойиб», — дея қўшимча қилди Леммон.