«Газета.uz» Тошкентнинг Юнусобод туманидаги «Шаҳидлар хотираси» ёдгорлик мажмуасини реконструкция қилиш ишларини амалга ошириш учун қайси компаниялар танлаб олинганини аниқланди.

Мажмуа ва автомобиллар турар жойини реконструкция қилиш режаси апрелда маълум қилинган эди. Пойтахт ҳокимлиги Вазирлар Маҳкамасининг тегишли қарори билан қурилиш-таъмирлаш ва ободонлаштириш ишларини шу йили амалга ошириш кўзда тутилганини хабар қилганди. Бироқ, ҳужжат очиқ манбаларда келтирилмаган («Газета.uz»нинг иккита манбасининг маълумотларига кўра, ҳужжат ХДФУ — хизмат доирасида фойдаланиш учун тоифасига эга).

Ҳокимият Қатағон қурбонларига ёдгорлик сифатида қурилган ротондани «дарахтларга зарар етказмасдан» қайта қурилишини ва уларнинг номлари ёзилган рамзий китоб ўрнатилишини ваъда қилди. Бундан ташқари, музей ходимлари учун алоҳида маъмурий бино, қолаверса, маиший хизмат бинолари, дўконлар, кафе ва очиқ амфитеатр бунёд этилади.

Қурилиш вазири Ботир Зокиров мажмуа «аянчли аҳволда» эканини таъкидлади. Шунингдек, унинг сўзларига кўра, мажмуа ҳудудида янги пиёдалар ва велосипед йўллари, катта автотураргоҳ қурилиб, велосипед ижараси йўлга қўйилади. Апрель охирида мажмуанинг таҳминий реконструкция лойиҳасини эълон қилган эдик.

Лойиҳада иштирок этадиган компаниялар ҳақидаги маълумотлар давлат харидлари порталида эълон қилинди. Улар Тошкент шаҳар ҳокимлиги ҳузуридаги «Ягона буюртмачи хизмати» инжиниринг компаниясининг қурилиш лойиҳалари манзилли рўйхатида келтирилган. Лойиҳа ҳокимият бюджетидан ортиқ бажарилган даромадлари қисми ҳисобидан молиялаштирилади.

Мажмуани реконструкция қилиш, шу жумладан, ротондани, Қатағон қурбонлари номлари акс этган рамзий китоб яратиш, музей ходимлари учун маъмурий бино қуриш, чакана савдо учун танланган савдо нуқталари, очиқ амфитеатр, Wi-Fi зонасини ташкил этиш ва бошқа иншоотларни Mimar Group компанияси амалга оширади. Қатағон қурбонлари хотирасига бағишланган музейни ўзини реконструкция қилиш учун эса Ijod-Ijod хусусий корхонаси танланган.

Ушбу компанияларни танлаш учун асос қилиб Вазирлар Маҳкамасининг 2021-йил 3-апрелдаги 178-сонли буйруғи кўрсатилган. Худди шу ҳужжат билан 2021-йилнинг 1-сентабрига қадар қурилиш-монтаж ишларини лойиҳалаш-смета ҳужжатларини ишлаб чиқиш билан бир вақтнинг ўзида амалга оширишга рухсат берилган. Объектларнинг қиймати лойиҳалаш-смета ҳужжатлари ишлаб чиқилгандан сўнг аниқланади.

Таққослаш учун худди шу рўйхатдан: Олмазор тумани Мудофаа ишлари бўлими учун маъмурий бинони реконструкция қилиш ва қуриш билан шуғулланадиган компания 2020 йил 4 декабрдаги тендер протоколи асосида аниқланган.

Меъмориал мажмуа ва музейни реконструкция қилиш ишлари қиймати ҳозирча маълум эмас, бироқ рўйхатда 2021 йили мажмуага жами капитал қўйилмалар миқдори — 5,6 млрд сўмни, музейники эса — 4,2 млрд сўмни ташкил этади.

Mimar Group ҳақида


Компания сайтида келтирилган маълумотларга кўра, MIMAR Group — хусусий қурилиш компаниясига 2020 йили асос солинган бўлиб, йирик шаҳарсозлик лойиҳаларини амалга оширишга — турар жойлар қурилишидан тортиб, саноат ва ижтимоий объектларни қуришга ихтисослашган.

КТЯДРга мувофиқ, компания ўтган йилнинг июлида рўйхатга олинган. Асосий фаолият тури — тураржой биноларини қуришдан иборат. Таъсисчилар этиб, Алишер Абдубаситович Ғаниев (56,75%) ва Козимбек Ўткирович Яминов (43,25%) кўрсатилган, раҳбари — Ферузбек Давронов.

Компания шунингдек, 71 гектар майдонда Tashkent INDEX савдо-ишлаб чиқариш мажмуаси комплексини қуриш лойиҳасини ҳам амалга оширмоқда.

Ijod-Ijod компанияси ҳақида


КТЯДРга мувофиқ, бу хусусий корхона сифатида 1996 йили рўйхатга олинган. Асосий фаолият тури — нотураржой биноларини қуришдан иборат. Таъсисчиси сифатида Алишер Раҳимович Раҳмонов кўрсатилган (100%). Раҳбари эса — Бахтиёр Раҳмонов.