Италиянинг шимолидаги Пьемонте шаҳрида Мажоре кўли яқинида канат йўли бўйлаб ҳаракатланиб кетаётган кабина арқондан узилиб, қулади. Бу ҳақда BBC News хабар бермоқда.
Хабарга кўра, кабина Стреза курорт шаҳридан Пьемонтедаги Моттарроне тоғига одамларни олиб кетаётган бўлган ва тик ўрмонли қияликка қулаб тушган.
Қутқариш хизмати вакилларининг сўзларига кўра, жароҳатланган беш ва тўққиз ёшли икки бола вертолётда Туриндаги касалхонага юборилган. Кейинчалик 9 ёшли бола олган жароҳатларидан вафот этган. Иккинчи болада кўп сонли жарохатлар аниқланган.
#Verbania #23maggio, incidente funivia Stresa-Alpino-Mottarone: concluso il lavoro dei 30 #vigilidelfuoco impegnati per l'ispezione della cabina precipitata e per il recupero dei corpi privi di vita delle 13 vittime [20:30 #23maggio] pic.twitter.com/WLbjMVtae8
— Vigili del Fuoco (@emergenzavvf) May 23, 2021
Қутқарувчилар қурбонлар сони аниқланаётгани ва кўпайиши мумкинлиги ҳақида огоҳлантиришди.
Авариянинг аниқ сабаби ҳозирча маълум эмас, аммо гувоҳларнинг сўзларига кўра, кабиналар маҳкамланган металл арқони тоғнинг тепасигача 300 метр қолганда узилиб кетган.
Маълумотга кўра, бундай кабиналар 40 йўловчига мўлжалланган, аммо ҳозиргача қулаган кабинада қанча одам бўлгани аниқ эмас.
Қутқарув хизматига сигнал якшанба куни маҳаллий вақт билан пешинда келган.
Воқеа жойига етиб келган қутқарувчилар ерда пачоқланган кабинани топишган. У тахминан 20 метр баландликдан қулаб тушгани ва бир неча марта ағдарилиб, дарахтлар томонидан тўхтаб қолмасдан олдин қияликдан учиб тушгани айтилмоқда.
Италия бош вазири Марио Драги аварияни фожиа деб атади.
Ушбу канат йўли 1970 йилда очилган ва 2014−2016 йилларда таъмирлаш учун ёпилган эди. Карантин чекловлари бекор қилингандан кейин канат йўли очилганига кўп вақт бўлмади.
