Самарқанд вилояти Каттақўрғон туманида ўзаро жанжал оқибатида сингил ўз опасини пичоқлаб ўлдирди, дея хабар бермоқда Олий суд матбуот хизмати Yoshlar каналига таяниб.
Аниқланишича, 19 январь куни соат 18:30 ларда ўзаро тортишиб қолган опа-сингил «бир-бирини фоҳишаликда, енгилтабиатликда» айблаган. Бу вақтда аёлларнинг иккиси ҳам спиртли ичимлик таъсирида бўлгани айтилмоқда.
Жанжал оқибатида сингил ўз опасини пичоқлаб, тан жароҳати етказган. Судга оид тиббий экспертизанинг маълумотида етказилган тан жароҳати ўлимга олиб келгани айтилган.
Судланувчига Жиноят кодексининг 97-модда (қасддан одам ўлдириш) 2-қисми «б» банди билан кодекснинг 57-моддасини (енгилроқ жазо тайинлаш) қўллаб, 10 йил муддатга озодликдан маҳрум этиш жазоси тайинланди.
