11 май куни эрталаб Россиянинг Қозон шаҳридаги 175-сонли мактабда отишма юз берди. Маълум қилинишича, ҳужум қилганлардан бири 17 ёшли ўсмир бўлиб, мактабга биносига кириб, ўқувчиларга қарата ўқ уза бошлаган. Бу ҳақда ТАСС хабар берди.
Ушбу воқеа содир бўлган вақтда мактабда 714 нафар ўқувчи, деярли 70 нафар ходим, жумладан, 52 нафар ўқитувчилар бўлган. Маълумотларга кўра, бунинг оқибатида 32 кишига зарар етган. Республика ҳалокатларга қарши кураш марказининг хабар беришича, отишмадан сўнг 12 бола ва битта катта ёшдаги инсон касалхонага етказилган.
РИА Новости ва бошқа манбаларнинг хабар беришича, 11 киши ҳалок бўлган, 6 нафар ўқувчи реанимацияда. «Татмедиа» эса дея 8 кишининг ҳалок бўлганини маълум қилмоқда.
Кейинчалик, Татаристон президенти Рустам Минниханов ушбу мудҳиш воқеа сабабли 9 киши ҳалок бўлганини, шунингдек, 18 нафар ўқувчи болалар клиникасига ётқизилганини айтди.
«Биз етти нафар ўқувчимиздан айрилдик. Улар саккизинчи синф ўқувчилари эди. Тўрт нафар ўғил ва уч нафар қиз. Бундан ташқари, бит нафар ўқитувчимиз ҳалок бўлди. Бундан ташқари, яна бир аёлдан айрилдик. Жами, биз тўққиз кишини йўқотдик», — деди у.
Қуролли ҳужум юштирган 17 ёшли ўсмир қўлга олинган. ТАСС агентлигининг хабар беришича, у еттита саккизинчи синф ўқувчилари ва бир нафар ўқитувчини отиб ташлаган. Ҳибсга олиниш пайтида у ўзининг рўйхатдан ўтиш жойига бомба қўйганини айтган.
Хабарга кўра, кейинроқ бино ичида қолган иккинчи ўсмир оператив ходимлар томонидан ўлдирилган. Маълум қилинишича, ҳужум уюштирган 19 ёшли ўсмир бу мактабни 4 йил олдин битирган.
Воқеа жойидагиларнинг хабар беришича, ҳужум пайтида портлаш товуши эшитилган ва шундан сўнг отишма бошланган. Бир неча болалар деразадан сакрашган.
Жабрланганлар орасида ҳалок бўлганлар борлиги айтилмоқда.
Қозоннинг барча таълим муассасаларида хавфсизлик чоралари кучайтирилди. Мэрия мактабларга кириш чекланганлигини эълон қилди.
Татаристон президенти Рустам Минниханов, республика соғлиқни сақлаш вазири Марат Содиқов, прокурор Илдус Нафиков воқеа жойига етиб боришган.
