21 апрель куни Япония телевидениясида ўзбекистонлик талаба Элдор Ўринбоевнинг чўкиб кетаётган япониялик ўсмирга ёрдам бергани ҳақидаги янгилик намойиш этилди.

Япониянинг Ўзбекистондаги элчиси Ёшинори Фужияма бутун Ўзбекистон халқига ўз миннатдорчилигини билдирди, деб хабар бермоқда дипломатик миссия матбуот хизмати.

«Мен, Япониянинг Ўзбекистондаги элчиси сифатида, Ўринбоевга ўз ҳаётини ҳавф остига қўя туриб Гинован шаҳрининг денгизида чўкиб кетаётган япон ўсмирини қутқаргани учун чуқур миннатдорчилигимни изҳор этаман», — деди элчи.

«Ҳозирда Ўринбоев Япониянинг энг жанубий қисмида жойлашган Окинава префектурасида таҳсил олади. Ўзи ҳам денгизга биринчи марта тушганига қарамай, бор кучи билан сузиб бориб одам қутқарган ушбу ўзбек ўсмирининг жасурлиги ва виждонлилиги учун яна бир бор самимий миннатдорчилигимни изҳор этишга ижозат беринг», — деди Ёшинори Фужияма.

Фото: news24.jp.

Nippon NewsNetwork`нинг лавҳаларидан бир гуруҳ ёшлар «пирс» ва қирғоқда турганини, улар кучли тўлқин сабабли соҳилгача сузиб бора олмаётган ўсмирга қўл силкиётганини кўриш мумкин. Элдор Ўринбоев эса сувга сакраб, ўсмирни сувдан тортиб чиқаришга уринади, унга соҳилда турган икки нафар бошқа йигитлар ҳам ёрдам беради.

У телевиденияга берган интервьюси жуда оғир бўлганини айтди: «Осон деб ўйлагандим, сувга тушганимдан кейин ўзимга қутқарувчи керак бўлиб қолади, деган ҳаёллар ҳа бўлди».

Япония элчиси ушбу мамлакатда чўкаётган инсонга ёрдам беришга уринаётган шахснинг ўзи билан бахтсиз ҳодиса рўй берган ҳолатлар кўплаб учрашини қайд этди.

«Гарчи, Ўринбоев тутган йўл денгизга умрида биринчи марта тушган инсон ҳаёти учун ҳавфли бўлсада, унинг ушбу ҳатти-ҳаракати жуда қадрли ва аҳамиятлидир», — дея таъкидлашди элчихонада.