Англиянинг «Челси», «Арсенал», «Ливерпуль», «Манчестер Юнайтед», «Манчестер Сити» ва «Тоттенхэм» клублари Суперлигада қатнашишдан бош тортгандан кейин мусобақа расман тўхтатилди. Бу ҳақда Суперлига матбуот хизмати хабар берди.
«Европа Суперлигаси ҳозирги Европа футболининг ҳолатини ўзгартириш кераклигига ишончи комил.
Биз янги турнирни таклиф қилаётганлигимизнинг сабаби ҳозирги тизим ишламаётганлигида. Бизнинг таклифимиз пандемия шароитида молиявий қийинчиликларга дуч келган барча футбол жамоатчилигига ёрдам бериш ва ушбу спорт турининг ривожланишига қаратилган. Шунингдек барча футбол гуруҳлари оширилган тўловлар олишади.
Босим остида ингилз клубларининг чиқиб кетганига қарамай, бизнинг таклифимиз Европанинг қонунлари ва қоидаларига тўлиқ мос келишига аминмиз, бу суднинг Суперлигани учинчи шахсларнинг ҳаракатларидан ҳимоя қилиш тўғрисидаги қарори билан тасдиқланган.
Ҳозирги шароитда биз мухлисларга энг яхши наъмунани тақдим этиш ва шу билан бирга бутун футбол жамоатчилигига тўловлар оширилиши учун ўз мақсадларидан кетмаслиги учун лойиҳани ўзгартирамиз", — дейилади баёнотда.
Ҳозиргача Англия жамоалари мусобақада иштирок этмасликларини расман билдиришди. Италиянинг «Ювентус», «Интер», «Милан» ҳамда Испаниянинг «Барселона», «Реал», «Атлетико» жамоалари бу борада расмий хабар бермади.
Европа Суперлигаси ташкил этилиши икки кун олдин эълон қилинган эди. Таъсисчи клублар «Манчестер Юнайтед», «Манчестер Сити», «Ливерпуль», «Челси», «Арсенал», «Тоттенхэм», «Барселона», «Реал», «Атлетико», «Ювентус», «Интер» ва «Милан» эди.
