Бош вазир Абдулла Арипов бошчилигида ўтказилган Республика махсус комиссиясининг кенгайтирилган йиғилишида апрель охиригача Ўзбекистонга «Спутник V» вакцинаси олиб келиниши ҳақида маълум қилинди. Бу ҳақда «Газета.uz» муҳбири хабар берди.
«Ой охиригача „Спутник V“ вакцинаси бизга етиб келади. Бу учинчи вакцина. Стратегия бўйича биз учта вакцинани танлаб олганмиз», — деди бош вазир.
Шунингдек, маълум қилинишича, апрель охирида яна бир миллион донадан зиёд Хитой вакцинаси келтирилиши кутилмоқда.
Бундан ташқари, Ўзбекистон йил охиригача ўз вакцинасига эга бўлиши кутилмоқда, бу борада ўзбек олимлари жиддий изланиш олиб бораётгани маълум қилинди.
