Тошкентда жорий йилнинг 1 апрелидан 31 декабрига қадар ташқи реклама объектларини жойлаштириш, ўрнатиш, ўзгартириш ва паспортларининг берилишига мораторий эълон қилинди. Бу ҳақда пойтахт ҳокимлиги матбуот хизмати хабар берди.
Мораторий ташқи реклама объектларида (конструкцияларида) жойлашган рекламага тааллуқли эмас.
Бу давр мобайнида ўрнатилган ташқи реклама объектларини хатловдан ўтказиш ва ягона электрон реестрни шакллантириш режа қилинган.
Мораторий амал қилиши давомида янги ўрнатилган ташқи реклама объектлари ноқонуний ҳисобланади. Белгиланган тартибда демонтаж қилиниш билан бирга, уларни ўрнатган шахсларга нисбатан чоралар кўрилади.
