6 апрель куни Қозоғистон президенти Қасим-Жомарт Тоқаев Қарағанда фармацевтика заводи томонидан ишлаб чиқарилган «Спутник V» вакцинаси билан эмланди. Бу ҳақда давлат раҳбари матбуот котиби хабар берди.
«Эмлашдан кейин унинг саломатлиги яхши. Ножўя таъсири бўлмади. Президент фақатгина Қозоғистон фуқароларини эмлаш ва жамоавий иммунитетни шакллантириш орқали коронавирусни енгиш, барча чекловларни олиб ташлашга ва фуқароларнинг оддий ҳаёти, иқтисодий фаолиятнинг тикланишини таъминлашга имкон беришига амин», — дея таъкидлади Қозоғистон президенти матбуот котиби.
Март ойида Россия президенти Владимир Путин коронавирусга қарши эмланган эди. Унинг айнан қайси вакцина билан эмлангани маълум қилинмаган.
