Ўзбекистонда аҳоли саломатлигини муҳофаза қилиш ва коронавирус инфекцияси билан касалланиш ҳолатларини камайтириш мақсадида COVID-19 га қарши эмлаш тадбирларига тайёргарлик кўриш ишлари якунланмоқда, дея маълум қилди Соғлиқни сақлаш вазири Абдуҳаким Хаджибаев.
«COVAX доирасида жорий йилнинг май-июнь ойларида 2 миллион доза AstraZeneca, апрель-июнь ойларида эса 3,5 миллион доза ZF-UZ-VAK2001 вакциналарини мамлакатимизга келтириш режалаштирилган», — дейди у.
Вазирнинг таъкидлашича, Санитария-эпидемиологик осойишталик ва жамоат саломатлиги хизмати Россиядан 1 миллион доза Спутник V вакцинаси харид қилиш юзасидан шартнома имзоланмоқда.
Маълумот учун, олдинроқ Ўзбекистондан Россия Федерациясига ишлаш учун кетаётган меҳнат муҳожирлари учун 1 миллион доза «Спутник V» вакцинасини етказиб бериш тўғрисида битим имзолангани ҳақида Россия элчиси Владимир Тюрденев маълум қилган эди.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Эслатиб ўтамиз, аввалроқ Ўзбекистонга COVID-19 га қарши 660 минг дозали AstraZeneca вакцинаси олиб келинган эди. Шунингдек, 27 март куни мамлакатга 1 млн дозада хитой-ўзбек вакцинаси етказилганди.
