Япониянинг Фукусима префектурасидаги J-Village стадионида Олимпия машъаласи эстафетаси бошланди, деб хабар бермоқда РБК.
Эстафетанинг биринчи иштирокчиси Япония терма жамоасида 2006 йилдан 2016 йилгача ўйнаган футболчи Азуса Ивасимидзу бўлди.
Эстафета Япониянинг барча 47 префектураларида ўтказилади ва 23 июлда Олимпиада бошлангунига қадар 121 кун давом этади. Ёпилиш маросими 8 августга белгиланган.
Токио Олимпиадаси 2020 йил 24 июлдан 9 августгача бўлиб ўтиши керак эди, аммо коронавирус пандемияси туфайли у бир йилга қолдирилган.
Дастлаб ташкилотчилар мусобақага чипталарни сотишган, аммо 20 март куни ўйинларни томошабинларсиз ўтказишга қарор қилинган. Токио ушбу қарор пандемия шароитида хавфсизликни таъминлаш зарурати билан боғлиқлигини таъкидлади. Ташкилотчилар чипталарни сотиб олган барча чет эллик мухлисларнинг пулларини қоплашни ваъда қилишди.
