Сувайш каналининг ишламай қолиши глобал савдо учун кунига 9,6 млрд долларлик зарар етказмоқда
23 март куни Панама байроғи остидаги «Ever Given» контейнер кемаси 200 минг тонна сиғими билан саёзга ўтириб, Сувайш канали жанубидаги транспорт ҳаракатини бутунлай тўсиб қўйди. Содир бўлган жойдан олинган фотосуратларга кўра, кема канал бўйлаб туриб, икки йўналишда ҳаракатланишни тўсиб қўйган. Кемани буриш уринишлари муваффақиятсиз тугади. Bernhard Schulte Shipmanagement бошқарув компанияси 25 кишилик кеманинг экипажи хавфсизлиги, уларга ҳеч нарса таҳдид солмаслиги ҳақида маълум қилди. 25 март куни кемани саёздан олиб чиқиш ишлари қайта тикланди. Саккизта катта буксир кема уни ҳаракатга келтира олмади. Bloomberg’нинг ёзишича, Сувайш каналининг бир соатлик ишламай қолиши глобал савдо учун 400 млн доллар, кунига 9,6 млрд долларлик йўқотишларга олиб келмоқда. — City A.M.
20 мингдан ортиқ оғир контейнерларни олиб юрган Ever Given Хитойдан Голландиянинг Роттердам портига йўл олган. Ушбу кема ўз туридаги энг катта кемалардан биридир. Унинг узунлиги 400 метрга, кенглиги эса 59 метрга тенг.
Буюк Британияда собиқ бош вазирга қарши тергов ишлари бошланди
Британиянинг лоббичилик назорати органи собиқ бош вазир Дэвид Кэмерон (2010−2016) томонидан ўз идорасида ўша пайтда тасдиқланган тегишли қонунчиликни бузиши мумкинлиги бўйича терговни бошлади. Гап, нашрнинг сўзларига кўра, Кэмероннинг Greensill Capital молиявий хизматлар компаниясини коронавирус пандемияси пайтида йирик фирмалар учун мўлжалланган давлат кредитларини олиш мақсадида Уайтхоллдаги (мамлакатнинг асосий ҳукумат идоралари жойлашган Лондон кўчаси) собиқ ҳамкасбларини лобби қилиш ҳақида кетмоқда. Ушбу қадамлар шу йилнинг март ойида фирма банкрот бўлишидан бир неча ой олдин қилинганлиги айтилмоқда. Маълумотларга кўра, собиқ ҳукумат раҳбари молия вазирлиги, шу жумладан Ғазначилик бошлиғи Риши Сунаку билан бевосита алоқа ўрнатишга ҳаракат қилган. Бундай уринишлар муваффақиятсиз тугади, аммо назорат органларида давлат маблағларидан тенг ҳуқуқли фойдаланиш тўғрисида саволларни туғдирди. — The Daily Telegraph.
Буюк Британия қонунчилигига кўра, ҳукуматда учинчи шахс манфаатларини ҳақ эвазига илгари сурган ҳар бир киши, аввал лоббистларнинг расмий ҳукумат реестрида рўйхатдан ўтиши керак. Ушбу талабни бажармаганлик учун 7,5 минг фунт стерлинг (10 минг доллардан ортиқ) миқдорида жарима ёки жиддий қонунбузарлик ҳолатларида — жиноий жавобгарликка тортиш кўзда тутилган.
Хитой тўпланган маълумотларни назорат қилиш учун давлат компаниясини яратишни режалаштирмоқда
Хитой ҳукумати фирмалар юз миллионлаб фойдаланувчилардан йиғадиган маълумотларни назорат қилиш учун компания яратиш лойиҳасини кўриб чиқмоқда. Bloomberg манбаларига кўра, Хитой Халқ банки томонидан бошқариладиган дастлабки лойиҳада электрон тижорат ва тўлов платформалари билан биргаликда давлат томонидан бошқариладиган компания яратилиши кўзда тутилган. Нашрнинг ёзишича, бу қадам Пекинга мамлакатнинг интернет тармоғи ва Хитойнинг энг йирик онлайн компаниялари (Alibaba'дан ByteDance’гача) фойдаланувчилари томонидан тўпланган маълумотлар устидан назоратни кучайтиришга имкон берадиган қатор вариантлардан биридир. Фойдаланувчи маълумотларини компания ёки ҳукумат назорати остида жойлаштириш учун қонунчиликка ўзгартиришлар киритилишини талаб қилади, дея таъкидлади агентлик. Ушбу давлат компаниясининг фаолият доираси, қандай маълумотларни тўплаши ва қандай манбалардан фойдаланиши номаълум бўлиб қолмоқда. — Bloomberg.
Европа Иттифоқи вакцинациянинг кечикиши сабабли 123 млрд евро йўқотмоқда
Европа Иттифоқи мамлакатлари коронавирусга қарши эмлаш жадвалдан етти ҳафта ортда қолмоқда. Вакцинациянинг кечикиши 2021 йилда минтақа иқтисодиётига 123 млрд еврога зарар етказиши мумкин. Ёз охирига келиб, Европа Иттифоқида аҳолининг 70 фоизи эмланиши керак. Ушбу мақсадга эришиш учун эмлашни тезлаштириш керак бўлади. «AstraZeneca»дан вакцина етказиб беришнинг кечикиши сабабли, эмлашни тезлаштиришга йўл қўймайди, деб ёзади нашр. — Le Figaro.
АҚШда коронавирус билан касалланганлар сони 30 млндан ошди
Коронавирус пандемияси бошланганидан бери АҚШда инфекцияга чалиниш ҳолатлари 30 млнан ошди, дея маълум қилди Жонс Хопкинс университети. Маълумотларга кўра, шу вақт ичида мамлакатда 545 мингдан ортиқ одам COVID-19дан келиб чиққан касалликлардан вафот этган. Дуёда касалланишлар сони бўйича АҚШ биринчи ўринни, Бразилия иккинчи (12,2 млн), Ҳиндистон учинчи (11,8 млн) ўринларни эгалламоқда. — Жонс Хопкинс университети.
Шимолий Корея бир йил ичида илк бор баллистик ракеталарни учирди
КХДР 25 март куни ўтган йилнинг 29 мартидан бери биринчи марта Япония денгизи томон иккита баллистик ракетани учирди. Синовлар Япония қирғоқ қўриқчилари томонидан қайд этилган, шунингдек Жанубий Корея ва AҚШ ҳарбийлари томонидан тасдиқланган. Япония Мудофаа вазирлигининг маълумотларига кўра, иккала ракета тахминан 450 км масофага учган. Уларнинг траекториясининг баландлиги 100 км дан ошмади. Улар Япониянинг эксклюзив иқтисодий зонасидан ташқарида Япония денгизига тушган. Япон денгизидаги балиқ ови кемаларига ҳеч қандай зарар етказилмаганлиги айтилмоқда. Синовлар Фукусима префектурасида Олимпия машъаласи эстафетаси бошланган куни ўтказилди. Япония бош вазири Ёсихидэ Суга очилиш маросимида иштирок этмади, бу Токиода Япония Хавфсизлик Кенгашининг фавқулодда йиғилишини шахсан тўлиқ қўшилиши билан ўтказишга имкон берди. Япония ҳукуматининг раҳбари бу учиришни БМТ Хавфсизлик Кенгашининг КХДР тўғрисидаги резолюциясини тўғридан-тўғри бузиш деб атади. Шунингдек, унинг сўзларига кўра, Пхеньяннинг ҳаракатлари минтақавий хавфсизликка таҳдид солмоқда. — ТАСС.
