Марказий банк Алишер Навоий таваллудининг 580 йиллигига бағишланган олтин эсдалик тангалари ва сувенирлар тўпламлари сотувини йўлга қўйгани ҳақида хабар берди.

50 минг сўмлик (диаметри — 33 мм, вазни — 20 г) ҳамда 100 минг сўмлик (38 мм, 30,1 г) номиналга эга бўлган ушбу тангаларнинг нархи ҳозирда мос равишда 13,4 млн ва 20,4 млн сўмга тенг.

Сувенир тўплам таркибидаги номиналсиз бешта танга диаметри ва оғирлиги юқоридаги тангалар билан бир хил, аммо уларнинг ҳар бирининг нархи 102,4 млн сўмни ташкил этади.

Тангалар ва тўпламларни тижорат банклари филиалларидан сотиб олиш мумкин.

Маълумот учун, 2018 йил ноябрида Марказий банк 1994−2009 йилларда чиқарилган олтин ва кумуш эсдалик тангаларини сотувга қўйган эди.