БМТ бош котиби Антониу Гутерреш БМТ Хавфсизлик кенгаши мажлисида дунё бўйлаб очликдан қийналаётган инсонларнинг сони янада ортиши мумкинлиги хақида огоҳлантирди, дея хабар берди РИА Новости.
«2020 йил охирига келиб 88 миллиондан ортиқ инсон мамлакатлардаги можаролар ва беқарорлик туфайли чуқур очликдан азият чекмоқда — бу кўрсаткич бир йил ичида 20 фоизга ўсди. 2021 йилга мўлжалланган прогнозлар ушбу қўрқинчли тенденциянинг давом этишидан далолат бермоқда», — деди у.
Унинг сўзларига кўра, иқлим ўзгаришлари ва COVID-19 пандемияси вазиятни янада ёмонлаштиради.
«Агар шошилинч чоралар кўрилмаса, миллионлаб одамлар чуқур очлик ва ўлим чегарасида қолишади» , — деди Антониу Гутерреш. Прогнозларга кўра, очлик даражаси Шимолий Африка мамлакатлари, Жанубий Судан, Яман ва Афғонистонда боган сари кучаймоқда.
Унинг сўзларига кўра, 150 минг киши очлик сабаб ўлим хавфи остида, яна 16 миллион киши озиқ-овқат танқислиги муаммосига дуч келиши мумкин.
