Назаров Азимжон Соатмурод ўғли сув хўжалиги вазирининг биринчи ўринбосари лавозимига тайинланди. Бу ҳақда «Газета.uz»га Сув хўжалиги вазирлиги матбуот хизмати хабар берди.
Назаров Азимжон 1997 йили Тошкент ирригация ва қишлоқ хўжалигини механизациялаш муҳандислари институтини, 2000 йили Америка Қўшма Штатларининг Техас қишлоқ хўжалиги ва механика университетини тугатган. У шу кунга қадар инновацион ривожланиш вазирининг ўринбосари эди.
Шунингдек, Сув хўжалиги вазирлиги Сув тежовчи технологияларни жорий этиш бошқармаси бошлиғи лавозимида ишлаб келаётган Рустам Қаршиев сув хўжалиги вазирининг ўринбосари этиб тайинланди. У ушбу лавозимда Вохиджон Ахмаджоновнинг ўрнини эгаллади.
