COVID-19га қарши тўлиқ эмланган АҚШ фуқароларига бошқа эмланган одамлар билан ёпиқ жойларда ниқоб тақмасдан ва масофани сақламасдан мулоқот қилишларига рухсат берилди. Тегишли тавсиялар АҚШ ССВ агентлиги — CDC (U.S. Centers for Disease Control and Prevention — АҚШ касалликларни назорат қилиш ва олдини олиш марказлари) томонидан берилган.
Тавсияларга кўра, COVID-19 оғир шаклинининг ривожланиш хавфи паст ҳисобланиб, бир оиладан бўлган шахслар билан ҳам кўришишлари мумкин.
CDC шу билан бирга, эмланган одамларга жамоат жойларида ниқоб тақишни, одамлар гавжум жойлардан узоқ бўлишни ва масофани сақлашни тавсия қилмоқда.
Агентлик маълумотларига кўра, одам икки дозали препарат ёки бир марталик вакцинанинг иккинчи дозасини олганидан кейин икки ҳафта ўтгач, COVID-19 га қарши тўлиқ эмланган ҳисобланади. CDC маълумотларига кўра, ҳозирги кунга қадар 31 миллиондан ортиқ америкаликлар (АҚШ аҳолисининг 9,5%) коронавирусга қарши тўлиқ эмланди.
