ФВВ Республика сейсмик прогностик мониторинг маркази кечқурун ва эрталаб содир бўлган иккита зилзила тўғрисида хабар берди.
2:52 да содир бўлган биринчи зилзила эпицентри Тошкент вилояти Пскент туманида (40,89 даража шимолий кенглик, 69,5 даража шарқий узунлик) жойлашган. Эпицентрда магнитуда 4,4 ни ташкил этди. Ўчоқ чуқурлиги — 10 км.
Тошкентда (48 км жануби-шарқий йўналишда) ер ости силкиниши кучи 4 балл, Гулистонда (75 км) — 3 балл, Жиззахда (164 км) ва Наманганда (183 км) — 2 балл бўлди.
Иккинчи зилзила Тошкент вақти билан эрталаб соат 6:04да Қирғизистоннинг Қадамжой вилояти ҳудудида, Ўзбекистоннинг Фарғона вилояти билан чегараси яқинида содир бўлди (Шимолий кенглик 40,24 даража; шарқий узунлик 71,88 даража), Тошкентдан 252 км жануби-шарқда.
Зилзила эпицентрида магнитуда 4 бўлган, ўчоқ чуқурлиги 13 км.
Зилзила Фарғона шаҳрида (эпицентридан 18 км узоқликда) 4 балл, Aндижонда (72 км) ва Наманганда (86 км) 2 баллгача сезилган.
