Тошкентда Ўзбекистон Бош прокуратураси ҳузуридаги Иқтисодий жиноятларга қарши курашиш департаменти Шайхонтоҳур туман бўлими ва ДХХ ходимлари ўтказган тезкор тадбирда рақамли крипто валюта савдоси билан ноқонуний шуғулланган икки киши қўлга олинди. Бу ҳақда Департамент матбуот хизмати хабар бермоқда.
Қайд этилишича, фуқаро Д.К. «Р.» исмли шахс билан олдиндан тил бириктириб,1 В (биткоин) электрон пул бирлигини 49 670 АҚШ долларига баҳолаб, 0,45 (биткоин) электрон пул бирлигига ўзининг 5% устама фойдасини қўшиб ҳисоблаб 0,45 (биткоин) электрон пул бирлигини келишилган «электрон ҳамён»га ўтказиб бериб, эвазига харидордан 23 400 АҚШ доллари ва 800 минг сўмни олган вақтида ашёвий далиллар билан ушланган.
Мазкур ҳолат юзасидан Д.К. ва «Р.» исмли шахсларга нисбатан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) ва 190-моддаси (фаолият билан лицензиясиз шуғулланиш) билан жиноят иши қўзғатилиб, тергов ҳаракатлари ўтказилмоқда.
