Энг яхши фильм учун «Олтин глобус» мукофотини «Nomadland» фильми қўлга киритди

Қишнинг сўнгги кунида АҚШнинг Лос-Анжелес шаҳрида 78-марта «Олтин глобус» мукофотини топшириш маросими бўлиб ўтди. Тақдирлаш маросими пандемия туфайли бир вақтнинг ўзида иккита жойда (Нью-Йорк ва Лос-Анжелес) онлайн-трансляция тарзида, мухлисларсиз ўтказилди. Совринлар 1944 йилдан буён 90 га ҳалқаро журналистларнинг овоз бериш натижаларига кўра, Hollywood Foreign Press Association (Голливуд хорижий матбуот уюшмаси) томонидан топширилади.

Бош мукофот энг яхши драматик фильм учун «Олтин глобус» — Хлоя Чжаонинг «Nomadland» («Кўчманчилар ўлкаси») фильмига топширилди.

Кино соҳасидаги «Олтин глобус» совриндорлари:

• Драма жанридаги энг яхши фильм — «Nomadland» («Кўчманчилар ўлкаси»);
• Энг яхши комедия ёки мюзикл — «Борат 2»;
• Драма жанридаги энг яхши актриса — Андра Дэй («The United States vs. Billie Holiday» фильмидаги роли учун);
• Драма жанридаги энг яхши актёр — Чедвик Боузман («Ma Rainey’s Black Bottom» фильмидаги роли учун);
• Комедия ёки мюзикл жанридаги энг яхши актриса — Розамунд Пайк («I Care a Lot» фильмидаги роли учун);
• Комедия ёки мюзикл жанридаги энг яхши актёр — Саша Барон Коэн («Борат 2» фильмидаги роли учун);
• Иккинчи пландаги энг яхши актриса — Жоди Фостер («The Mauritanian» фильмидаги роли учун);
• Иккинчи пландаги энг яхши актёр — Дэниэл Калуя («Judas and the Black Messiah» фильмидаги роли учун);
• Энг яхши хорижий фильм — «Минари» (Жанубий Корея);
• Энг яхши анимацион фильм — «Soul» («Қалб»);
• Энг яхши режиссер — Хлоя Чжао, «Nomadland» («Кўчманчилар ўлкаси»);
• Энг яхши сценарий — Аарон Соркин, «The Trial of the Chicago 7» («Чикагодаги еттилик устидан суд»);
• Энг яхши саундтрек — Трент Резнор, Аттикус Росс, Жон Батист — «Soul» («Қалб»);
• Энг яхши қўшиқ -«Io Sí (Seen)» — «La vie devant soi» («Бутун ҳаёт олдинда») фильми;

Телевидение соҳаси бўйича «Олтин глобус» совриндорлари:

• Драма жанридаги энг яхши сериал — «The Crown» («Тож»);
• Драма жанридаги сериалда энг яхши актёр — Жош О’Коннор, «The Crown» («Тож»);
• Драма жанридаги сериалда энг яхши актриса — Эмма Коррин, «The Crown» («Тож»);
• Комедия жанридаги энг яхши сериал — «Шиттс Крик»;
• Комедия жанридаги сериалда энг яхши актёр — Жейсон Судейкис, «Ted Lasso»;
• Комедия жанридаги сериалда энг яхши актриса — Кэтрин О’Хара, «Шиттс Крик»;
• Энг яхши телефильм ёки мини-сериал — «The Queen’s Gambit» («Фарзин юриши»);
• Телефильм ёки мини-сериалдаги сериалда энг яхши актёр — Марк Руффало, «I Know This Much Is True» («Мен бу ҳақиқат эканлигини биламан»);
• Телефильм ёки мини-сериалдаги сериалда энг яхши актриса — Аня Тейлор-Жой, «The Queen’s Gambit» («Фарзин юриши»);

Махсус совринлар:

• Телевидениега қўшган ҳиссаси учун — Норман Лир;
• Кинематографга қўшган ҳиссаси учун — Жейн Фонда.