Президентнинг 17 февралдаги «Сунъий интеллект технологияларини жадал жорий этиш учун шарт-шароитлар яратиш чора-тадбирлари тўғрисида"ги қарори қабул қилинди.
Мазкур ҳужжатга мувофиқ, Сунъий интеллект технологияларини жорий этиш бўйича 2021−2022 йилларда амалга ошириладиган тажриба-синов лойиҳалари рўйхати тасдиқланди.
Унда сунъий интеллекдан турли соҳаларда жумладан, соғлиқни сақлашда ҳам қўллаш кўзда тутилган. Шунга кўра, инсон ўпкасининг компьютер томографияси таҳлили асосида пневмонияни аниқлаш ҳамда маммография таҳлили асосида кўкрак бези саратонига илк босқичда ташхис қўйишда сунъий интеллект технологиялари қўлланилади.
Бундан ташқари, фармацевтика соҳасида эса бозорнинг дори воситалари ва тиббий буюмларига бўлган эҳтиёжни таҳлил қилиш ва прогнозлаштиришда сунъий интеллект технологияларидан фойдаланилади.
