Қишлоқ хўжалиги вазирлиги матбуот хизматининг хабарига кўра, Алишер Мелсович Тўраев қишлоқ хўжалиги вазирининг ўринбосари — Қишлоқ хўжалигида билим ва инновациялар миллий маркази бош директори лавозимига тайинланди.
Алишер Тўраев 1961 йилда туғилган, мутахассислиги бўйича биолог-генетик, Ломоносов номидаги Москва давлат университети тугаллаган.
Вена университети, Ломоносов номидаги Москва давлат университетида, Россия Федерацияси Физика — техника институтида фаолият юритган.
2019 йилнинг июнь ойидан буён Тошкент давлат аграр университети, «Қишлоқ хўжалиги экинлари генетикаси, селекцияси ва уруғчилиги» кафедраси профессори лавозимида ишлаб келаётган эди.
13 январь куни қишлоқ хўжалиги вазирининг икки нафар ўринбосари Саидкамол Ходжаев ҳамда Ботиржон Сулаймонов лавозимидан озод этилган эди.
