Беларуснинг янги конституцияси лойиҳаси 2022 йил бошида бўлиб ўтадиган референдумга тақдим этилади
Беларуснинг янги конституцияси лойиҳаси шу йил давомида тайёр бўлиб, келаси йилнинг бошида жамоат муҳокамасига қўйилади. Бу ҳақда 11 февраль куни Бутун Беларусь халқ йиғилишида президент Aлександр Лукашенко айтиб ўтди. «Бу йил давомида конституция лойиҳаси тайёр бўлади ва у бир йил ичида оммавий равишда муҳокама қилинади. Ва келгуси йилнинг бошида, ҳеч бўлмаганда — мен буни уддалай оламиз, деб ўйлайман, — биз уни халқ овозига, референдумга қўямиз, — деди Беларусь президенти. Унинг сўзларига кўра, бу жараёнларнинг барчасида асосий нарса — «аҳмоқона хатоларга» йўл қўймасликдир. Ва у яқинда ўтказилган социологик сўров натижаларига кўра, респондентларнинг 60 фоизи Конституцияни ўзгартиришга қатъий қарши бўлганини таъкидлади. «Мен бунга қўшилмайман. Конституцияни ўзгартириш керак, чунки бугунги кунда давлат раҳбарининг ваколатлари инсон учун жуда қийин», деди Aлександр Лукашенко. — БелТА.
Шунингдек, тадбирда Лукашенко тартибни, норозилик намойишларининг йўқлигини ва ўз тарафдорлари учун хавфсизлик кафолатларини ҳокимиятни тарк этиш шарти деб атади.
Германия ҳукумати мамлакатда карантинни 7 мартгача узайтиришга қарор қилди
Германия канцлери Aнгела Меркель 10 февраль куни мамлакатда локдаун режимининг 7 мартгача узайтирилишини эълон қилди. Германияда чекловлар 2020 йил ноябрь ойининг охиридан амал қилиб, озиқ-овқат, спорт ва гўзаллик салонлари, сузиш ҳавзалари, музейлар ва театрлар, ресторан ва барлардан ташқари барча дўконларнинг ёпилишини ўз ичига олади. Мактаб ўқувчилари уй шароитида ўқитишга ўтказилди, энди мактабларни ҳудудий кесимида очиш тўғрисида қарор қабул қилишга рухсат берилади. Шунингдек, сартарошхоналарнинг ишлашига 1 мартдан рухсат берилиши кутилмоқда. — Spiegel.
Мьянмада намойишчиларга қарши ўқ отилган бўлиши мумкин
Amnesty International инсон ҳуқуқлари ташкилотининг ёзишича, Мьянмада полиция намойишчиларга қарши ўқ отган, натижада бир киши оғир жароҳат олган. Нашрнинг видео ва фотосуратларига кўра, 9 февраль куни полиция ходими Нейпьидодаги митингни тарқатиш мақсадида ВA-94 ёки ВА-93 автоматидан ўқ отган, натижада 19 ёшли намойишчи қиз бошидан яраланган. Маҳаллий ОАВ хабарларига кўра, унинг тирик қолиш эҳтимоли паст. «Ёш қизнинг жиддий жароҳати Мьянма полициясининг тинч намойишчиларга қарши ўқ-дориларни ишлатиши оқибати эди. Биз ижтимоий тармоқлардаги материалларни текширдик, полиция намойишчиларга қурол кўрсатиб, уларнинг ҳаёти ва соғлиғи учун хавфни инобатга олмаган» — деди ташкилотнинг инқироз маркази раҳбари Сэм Дабберли. — Amnesty International.
Республикачиларнинг юздан ортиқ собиқ амалдорлари АҚШда янги партия тузишни муҳокама қилмоқда
Юздан ортиқ собиқ республикачилар AҚШнинг собиқ президенти Дональд Трампга қарши чиқиш учун янги ўнг-марказ партиясини тузиш бўйича музокаралар олиб бормоқда. Музокарачилар Трампга қарши чиқишни истамаслиги ва «унинг (Трамп — таҳ.) демократияни бузишга уринишлари» сабабли Республикачилар партиясидан ажралиб чиқиш ҳақида ўйлашмоқда. Ҳозирча ушбу мунозаралар дастлабки босқичда. Хабарларга кўра, собиқ республикачилар, шу жумладан, Рональд Рейган, Жорж Буш (катта), Жорж Буш ва Трампнинг собиқ маъмурият амалдорлари ўтган ҳафта Zoom конференцияси пайтида бу масалани муҳокама қилишган. «Республикачилар партиясининг катта қисми тобора радикаллашиб, АҚШ демократиясига таҳдид солмоқда. Партия ҳақиқат, ақл ва асосий идеалларга содиқлигини яна бир бор тасдиқлаши керак, акс ҳолда янги бир нарса яратиш зарур», — деди сиёсатчиси Эван Макмаллин. Integrity Party ва Center Right Party янги сиёсий кучнинг мумкин бўлган номлари қаторига киради. — Reuters.
Эрон реактор учун уран ишлаб чиқариш режасини бажарди
Эрон Теҳрон тадқиқот реактори учун ёқилғи яратиш мақсадида изланишлар ва тажриба-конструкторлик ишлари орқали уран ишлаб чиқариш режасини амалга оширди. Бу ҳақда IAEA (Халқаро атом энергияси агентлиги (ХАЭА)) раҳбари Рафаэль Гросси маълум қилди. «8 февраль куни агентлик Эроннинг Исфахондаги ёнилғи плиталарини ишлаб чиқариш заводида 3,6 г уран металини синовдан ўтказди», — дейилади хабарда. 2021 йиль январь ойида Эроннинг Венадаги халқаро ташкилотлардаги доимий вакили Казем Гариб Абади Теҳрон уран металини ишлаб чиқариш бўйича тадқиқот ишларини бошлагани ҳақида хабар берган эди. Вакил ХАЭА ёнилғи плиталарини ишлаб чиқарувчи корхонаси тўғрисида хабардор қилинганлигини ва текширув ўтказганлигини таъкидлади. — Reuters.
