Бандлик ва меҳнат муносабатлари вазирлиги тўртта бандлик агентлигининг лицензияси тегишли суд ва лицензияловчи органларнинг қарорлари билан бекор қилингани, яна учта агентликнинг лицензияси вақтинча тўхтатилганини маълум қилди.

Лицензияси бекор қилинган агентликлар:

  • Тошкент туманлараро Иқтисодий судининг 2021 йил 25 январдаги қарори билан «Full employment xususiy bandlik agentligi» МЧЖнинг 2019 йилда олган лицензияси;
  • Тошкент туманлараро Иқтисодий судининг 2021 йил 25 январдаги қарори билан «DAWAMLI SATLI IS XUSUSIY BANDLIK AGENTLIGI» МЧЖнинг 2020 йилда қўлга киритган лицензияси;
  • Тошкент туманлараро Иқтисодий судининг 2021 йил 7 январдаги «Profit4you Europe xususiy bandlik agentligi» МЧЖ ХКнинг 2020 йилда берилган лицензияси;
  • Лицензияловчи органнинг 2021 йил 29 январдаги қарори билан «Vodiy HR xususiy bandlik agentligi» МЧЖнинг 2019 йилда олган лицензияси бекор қилинди.

Лицензияси вақтинча тўхтатилган агентликлар:

  • Тошкент туманлараро Иқтисодий судининг 2021 йил 7 январдаги қарорига асосан «Kontinent himoya xususiy bandlik agentligi» МЧЖнинг лицензияси;
  • Тошкент туманлараро Иқтисодий судининг 2021 йил 25 январдаги қарори билан «Xususiy bandlik agentligi manpower» МЧЖнинг лицензияси;
  • Андижон туманлараро Иқтисодий судининг 2021 йил 29 январдаги қарорига асосан «Bek jobs xususiy bandlik agentligi» МЧЖнинг лицензияси вақтинча тўхтатилди.

Лицензияларнинг амал қилиниши Бандлик ва меҳнат муносабатлари вазирлиги ҳузуридаги Хорижда меҳнат фаолиятини амалга оширувчи шахсларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси депозит ҳисоб рақамида БҲМнинг 8500 баравари (2 млрд 82 млн 500 минг сўм) миқдоридаги маблағларни захира қилингунга қадар тўхтатилди.