АҚШ президент Жо Байден илк бор ташқи сиёсат бўйича масалалар ҳақида нутқ қилди. Байден ўз нутқида Россия ҳукуматидан Навалнийни озод этишни талаб қилди.
«Мен президент Путинга, аввалги президентдан фарқли ўлароқ, АҚШ Россиянинг агрессив ҳаракатлари, шу жумладан, бизнинг сайловларимизга аралашуви, киберҳужумлари ва ўз фуқароларини заҳарланишига жим қараб турган кунлари ниҳоясига етганини маълум қилдим», — деди Жо Байден ўзи чиқишида.
Жо Байденнинг таъкидлашича, Навалний «коррупцияни фош қилаётгани учун ўлжага айланган». «У зудлик билан, ҳеч қандай шартларсиз озод қилиниши керак», — деди у.
Маълумот учун, бундан аввал Европанинг бир қатор мамлакатлари, шунингдек, Буюк Британия бош вазири Борис Жонсон, Германия канцлери Ангела Меркель ва Франция президенти Эммануель Макрон ҳам Россия ҳукуматига шундай талаб қўйган эди.
