Халқ депутатлари Олмазор туман Кенгашининг қарори билан шу кунгача Тошкент шаҳар Олмазор туман ҳокими сифатида фаолият юритган Раҳмонов Бахтиёр Султонович эгаллаб турган лавозимидан озод этилди.
Унинг ўрнига Муллажанов Абдумажид Файзуллаевич ҳоким этиб тайинланди.
Муллажанов 1970 йилда Сирдарё вилоятида туғилган. 1996 йилда Тошкент давлат юридик институтини тамомлаган.
У 2019 йилдан шу кунга қадар Олмазор тумани бўйича Ички ишлар органлари фаолиятини мувофиқлаштириш бошқармаси бошлиғи вазифасида ишлаб келаётган эди.
