25 январь куни Standard&Poor's агентлиги «TEMIRYO'L SUG’URTA» компаниясига эмитентнинг узоқ муддатли кредит рейтинги ва суғурта компанисининг молиявий барқарорлик рейтингларини «B+» даражада баҳолади. Рейтингнинг ўзгариш прогнози — «Барқарор».
«TEMIRYO'L SUG’URTA» 2002 йилдан буён ўз фаолиятини амалга ошириб келади ва халқаро рейтингга эга бўлган Ўзбекистоннинг биринчи нодавлат суғурта компанияси ҳисобланади.
«TEMIRYO'L-SUG'URTA» универсал суғурта компанияси бўлиб, у ўз фаолиятида бозорда талабгир мажбурий ва ихтиёрий суғурта хизматларининг барча турларини тақдим этади. «TEMIRYO'L-SUG'URTA» хизматларидан, темирйўл тармоғидан ташқари, турли тармоқлардаги кўпгина корхоналар, жисмоний шахслар ва тадбиркорлар фойдаланишади.
Компания фаолиятининг тамойили — хар бир мижозга индивидуал ёндашув, шаффофлик ва ҳаққонийликдир. Кўрсатиб келинаётган суғурта хизматларининг сифатига компанияда алоҳида эътибор берилади.
Рейтинг агентлигининг ҳисоботида таъкидланишича, тажрибали бошқарув гурухи компаниянинг олдига қўйилган вазифаларини бажарилишини муваффақиятли тарзда таъминлаб келмоқда. Бошқа компаниялар билан таққосланганда, «TEMIRYO'L SUG’URTA»нинг фаолиятига ижобий таъсир кўрсатаётган омил, бу қалтисликларни бошқаришнинг шаклланган тизимидир.
2011 йилдан буён компания хизматлари халқаро сифат стандартига биноан сертификатлаштирилади, хозирги кунда ISO 9001−2015 стандарти жорий этилган. Компания барча вилоятларда ва Тошкент шаҳрида ўзининг филиалларига эга. Бу эса барча ҳудудларда мижозларга тезкор ва сифатли хизматлар кўрсатишни таъминлайди.
Компания баҳоларига асосан, «TEMIRYO'L SUG’URTA»нинг мавжуд ликвид маблағлари ҳажми, компания мажбуриятларини бажарилишини таъминлайди. «Барқарор» прогнози эса «TEMIRYO'L SUG’URTA» нинг кейинги 12 ой мобайнида суғурта мукофотлари ҳажмини оширишда давом этиши билан боғлиқ прогнозларини акс эттиради. Бунда, рақобатни кучайиб бораётганлигига қарамасдан, компания ўз фаолиятида ижобий натижаларни таъминлаб боради.
Компаниянинг асосий сценарийси, бошқарув гуруҳининг мўътадиллиги ва инвестиция портфели сифатини назарда тутади.
«TEMIRYO'L SUG’URTA» доимо сизнинг режаларингиз амалга ошишида ва барқарор ривожланишингизни таъминлашда ишончли ҳамкорингиз бўлиб қолади.
