Эндиликда 20 долларлик купюрадаги АҚШнинг 7 президенти Эндрю Джексоннинг ўрнига АҚШда Қулликка қарши ҳаракатнинг етакчиларидан бири бўлган Гарриет Табмен сурати бўлиши маълум қилинди. Бу ҳақда «Америка овози»хабар бермоқда.

«Молия вазирлиги Гарриет Табменни янги 20 долларлик купюралар олд қисмига жойлаштириш бўйича ҳаракатларни янгиламоқда», — деди АҚШ президенти матбуот котиби Жен Псаки.

«Бизнинг банкноталаримиз, пулларимиз мамлакатимиз тарихи ва хилма-хиллигини акс эттириши муҳим ва Гарриет Табменнинг янги 20 долларлик банкнотани безаб турган қиёфаси буни албатта амалга оширади», — дея қўшимча қилди у.

Банкноталарни алмаштириш Барака Обама президентлиги пайтида бошланган эди, бироқ Дональд Трамп маъмурияти томонидан 2028 йилга қолдирилган эди.