Коррупцияга қарши курашиш агентлиги «Coca-Cola Ichimligi Uzbekiston, Ltd» МЧЖни хусусийлаштириш бўйича тендер шартлари ўта юқорилигини таъкидлаган ва тендерни тўхтатишни сўраб, тақдимнома киритган эди.

Давактив агентлиги тендерни тўхтатиш тўғрисидаги тақдимномага муносабат билдириб, корхонани халқаро амалиёт қоидаларига мувофиқ ҳолда сотиш жараёни юзасидан ҳамкорлик қилишга тайёрлигини ва тендерни ташкиллаштиришда халқаро компаниялар иштирок этаётганлигини маълум қилган эди.

Коррупцияга қарши курашиш агентлиги хусусийлаштириш жараёнларини халқаро компаниялар иштирокида амалга оширилаётган янги амалиётни тўла қўллаб-қувватлади ва жараённинг давом эттирилишига эътирози йўқлигини маълум қилди.

Шунингдек хабарда Коррупцияга қарши курашиш агентлиги Давактив агентлигининг тақдимномага оператив равишда расман муносабат билдиргани ва хусусийлаштириш жараёни бўйича барча асослар тушунтириб берилгани учун миннатдорчилик билдирган.