Асель Робертс 20 январь куни АҚШнинг янги президенти Жо Байден Оқ уйга келиши билан янги лавозимда иш бошлади.
Қозоғистонда туғилган Асель Робертс (қизлик фамилияси Тўленова) АҚШ президентининг протоколи раҳбари вазифасини бажарувчиси этиб тайинланди, дея хабар бермоқда АҚШ Давлат департаменти сайти.
Асель 1976 йилда Олмаотада туғилган. 1993 йилда Жоржтаун университетининг Эдмунд А. Уолш номидаги дипломатик хизматлар мактабига ўқишга кириб, халқаро ҳуқуқ ва ташкилотлар йўналиши бўйича бакалавр даражасини тугатган.
У Барак Обама давридан бери Оқ уй протоколида 15 йил давомида ишлаб келмоқда. У қозоқ, рус, инглиз ва япон тилларини билади.
